Մայիս ամիսը ընթերցանությունների ամիս էր 2.1 դասարանի սովորողների համար։ Այս ամսում նշեցինք նաև Համբարձման ծեսը, Մայիսյան 13-րդ հավաքի շրջանակներում ունեցանք հաշվետու համերգ, բացօթյա ցուցահանդես։ Այս ամենի հետ միասին կրկին տնկեցինք, ցանեցինք ու մաքրեցինք մեր բակերը, լողացինք ու հեծանիվ վարեցինք։ Շարունակել կարդալ
Month: Մայիսի 2018
Բարձունքի հաղթահարում-Արայի լեռ-Ծաղկեվանք
Ճամփորդության օրը՝ հունիսի 9-ին, ժամը՝ 09:30-17:00
Մեկնարկը՝ Արևմտյան դպրոց-պարտեզի Հեծանվային-արշավախմբային ակումբից
Ճամփորդության մասնակիցները -2.1 դասարանի 24 ճամբարական /նաև ծնողներ/
Ճամփորդության ուղղությունը-Կոտայքի մարզ, Արա լեռ, Ծաղկեվանք
Ճամփորդության պատասխանատուներ՝ Տաթև Ավետիսյան, Սաթեն Օրդյան
Ճամփորդության․
Նպատակն է ճանաչել մեր երկիրն ու տեսարժան վայրերը, նաև մեր անմիջական ներգործությամբ նպաստել բնության պահպանմանը:
Խնդիրները՝
- տեղեկություններ ստանալ համացանցից,
- համացանցից օգտվել և տեղեկություն հավաքել առաջիկա սպասվող եղանակի մասին
- դասավորել սեփական ճամփորդական պայուսակը,
- էկոլոգիական աշխատանքի իրականացում,
- պաատմել տեսածի, լսածի մասին ըստ հերթականության
Իմ հորինած մոլորակը
Յուրաքանչյուրս մեր պատկերացրած ու հորինած մոլորակն ունենք։ Դրանք տարբեր ենք, կախարդական, զգացմունքային , լեցուն կամ դատարկ, սպիտակ կամ սև, երբեմն անգույն ու բազմագույն։ Ահա այս թերապևտիկ-պրոյեկտիվ աշխատանքը կատարեցինք 2.1 դասարանի ովորողների հետ։ Մոլորակները տարբեր էին ու հրաշալի։ Առաջարկում ենք դիտեք․
Տեխնոլոգիական աշխատանքը ուղեկցվեց Մոցարտի մանկական ստեղծագործություններով։
Հրաշալի ելույթից հատվածներ
18.05.2018
Մայիսյան 13-րդ հավաք
Ճամփորդություն դեպի Կոմիտասի անվան թանգարան-ինսիտուտ
Մասնակիցներ՝ 2.1 դասարանի սովորողներ
Ճամփորդության օրը՝ 24.05.2018
Մեկնարկն ու վերադարձը՝ 10:30-12:30
Նպատակը՝ <<Անտիվիրուս Կոմիտաս>> նախագծին ընդառաջ սովորողներն այցելում են Կոմիտասի թանգարան-ինսիտուտ, վարդապետի կյանքի և ստեղծագործական գործունեությանն առավել մանրամասն ծանոթանալու համար:
Քաղաքային ճամփորդության նկարագրություն
Սովորողները նախապես Google Map-ով գտնում են Կոմիտասի անվան թանգարան-ինսիտուտի հասցեն, քարտեզն են կազմում, իրականացնում ենք կայքի ուսումնասիրում, գտնում թանգարան հասնելու ճանապարհները: Նաև վարորդի հետ համատեղ ճանապարհին քննարկում ենք երթևեկության կանոններն ու նշանները: Թանգարանում հարց ու պատասխանով քննարկում, սովորում ու միմյանց սովորեցնում ենք Կոմիտասի երգերը, ծանոթանում կյանքին, ստեղծագործական գործունեությանը:
Նախատեսում ենք նաև պտույտ Կոմիտասի անվան այգում, փոքրիկ ֆլեշմոբ <<Անտիվիրուս Կոմիտաս>> նախագծին ընդառաջ: Երգում ենք Արև-արևը, ե՛կ, ե՛կ, Կաքավիկ ևայլն: Հարցազրույց ենք վերցնում մեր համաքաղաքացիներից Կոմիտասի մասին, կիսվում մեր գիտելիքներով, հրավիրում կրրթահամալիրի ամառային ուսումնական ճամբար: Նախատեսում ենք նաև տեղեկատվական թերթիկների բաժանում այգում:
Հետաքրքի թաղարներ ու բույսեր
Մայիսյան 13-րդ հավաքին նախատեսել էինք համատեղ աշխատանք ընկեր Զառայի հետ: Պլանավորեցինք ու կատարեցինք: Բերեցինք արդեն անպետք թիթեղյա տարրաներ, ապա վերապատրաստվող խմբի հետ ներկեցինք ու տնկեցինք բույսեր: Անչափ շնորհակալ ենք ընկեր Զառային, մեզ այսքան օգնելու և համբերատար աշխատելու համար: Շնորհակալ ենք նաև սիրելի ընկեր Շուշանին, հետաքրքիր բույսեր տրամադրելու համար: Ահա համատեղ աշխատանքով բացօթյա ընթերցասրահում ծաղկի թաղարներ ու գեղեցիկ բույսեր ունեցանք:
Վազք + հեծանիվ
Մայիսյան 13-րդ հավաք
2.1 դասարան-15.05.2018
Մայիսյան հավաքի երկրորդ օրվա ուշագրավ գործունեությունն իրականացրինք Յ. Բախշյանի անվան այգում: Առաջարկում ենք դիտել.
Պատրաստում ենք Ծաղկամայր
Համբարձման Ծեսին պատրաստում են Ծաղկամայր:
Մարդիկ պատրաստում էին ամենամեծ ծաղկեփունջը` Ծաղկամայրը, որը դրվում էր պուլիկի մեջ: Ծաղկամայրն, ըստ ավանդության, քրիստոնյա Վարվառե կույսն է, որը փախչելով կռապաշտ հորից, ապաստանում է Աշտարակի մոտ գտնվող Արայի լեռան քարանձավում: Հայրը հետապնդում է աղջկան, գտնում, ուր նա ապաստանել էր և սպանում դստերը: Նահատակվելուց առաջ Վարվառեն խնդրում է Աստծուց, որ ծաղիկ և կարմրուկ հիվանդություններ ունեցող մանուկները բժշկվեն իր անունով: Աստված կատարում է նրա խնդրանքը, և Վարվառեի բարեխոսությունը խնդրող ծնողների զավակներն ազատվում են այդ հիվանդություններից: Այդ քարանձավը դարձել է ուխտատեղի: Քարանձավի պատերից մշտապես ջուր է հոսում, որն ունի բուժիչ հատկություն: Ժողովուրդն հավատացած է, որ այդ ջուրը Վարվառե կույսի արցունքներն են: Նյութի աղբյուրը.
Հյուր ենք նախակրթարանում
Մայիսյան 13-րդ հավաք
2.1 դասարան-14.05.2018
Մայիսյան հավաքի առաջին օրը <<Սովորող-սովորեցնող>> և <<Ընթերցում ենք Ռոդարի>> նախագծի շրջանակներում հյուր գնացինք նախակրթարան: Ընկեր Մարգարիտայի և ընկեր Բուրիկի հետ նախնական պայմանավորվածությամբ պետք է ընթերցեինք Ջ.Ռոդարիի <<Շղթան>>:
Մեր համագործակցությունը լավ ստացվեց, քանզի երգեցինք միասին ու լսեցինք Դալարի Դաշնամուրային կատարումը:
Առաջարկում ենք դիտել.
Հինգի արկածները:Ջանի Ռոդարի
Օգնեցե՜ք, օգնեցե՜ք,- գոռալով՝ լեղապատառ փախչում էր Հինգը:
— Ի՞նչ է պատահել:
Մի՞թե չեք տեսել: Հանումն ընկել է ետևիցս: Թե որ հասավ՝ կորած եմ: Շարունակել կարդալ
Հոգեբանի բլոգ 