Նպատակը՝ Ծանոթացնել ուսանողներին Սուրդոմանկավարժության , որպես հատուկ մանկավարժության ճյուղ, տալ տեղեկատվություն մասնագիտության, հիմնական խնդիրների, նպատակներին և գործառույթների վերաբերյալ։
Նպատակն իրագործելու համար ուսանողների հետ կազմել ենք նաև իրենց նախագիծը, որը մեր այս նախագծի տրամաբանական շարունակությունն է համարվում։
Մասնակիցներն ու իրենց նախագծերը՝
Լենա Պողոսյան
Թամարա Մկրտչյան
Գայանե Սարգսյան
Նախագիծը համագործակցային է , ներգրավված են երգի դասավանդողներ։ Հատուկ մանկավարժությունը ներկայացվում է երաժշտության ասպարեզում, նպատակ հետապնդելով առավել տարածելու սուրդոմանկավարժությունը։
Նախագծի մասնակիցներ՝ Քոլեջ հինգ տարեկանների երկու խումբ
Նախագծի նպատակը՝ նախադպրոցականի հուզական ոլորտի բարելավումը հարազատ մարդկանց՝ մասնավորապես մայրիկի նկատմամբ։
Խնդիրներ՝
հուզական դրակական մթնոլորտի ստեղծում,
հույզերի ոլորտի զարգացում,
հաղորդակցման որակների ակտիվացում
ստեղծագործական մտքի զարգացում
Աշխատանքի ձևը՝ խմբային-թրեյնինգային
Անհրաժեշտ նյութեր՝ գունավոր թղթեր, գուաշ, մատիտ
Աշխատանքի ընթացքը՝
Նախադպրոցականների հետ սկսում ենք զրույց տարբեր հարցադրումներով՝
-յուրաքանչյուրն ասում է իր մայրիկի անունը
-ինչ ծաղիկի է նմանեցնում իր մայրիկին
-ինչպես է սիրում անցկացնելօրը մայրիկի հետ
Այնուհետև յուրաքանչյուրը ստանում իր գունավոր թուղթն ու աշխատում։ Պատրաստում են բացիկ մայրիկի համար, նկարում են մայրիկի համար մի գեղեցիկ նկար, ապա ասում բարեմաղթանք մայրիկին։
Նախագծի անունը՝ Թումանյանական ընթերցումներ մեծերի ու փոքրերի համար
Ժամանակահատվածը՝ Փետրվար ամիս
Մասնակիցները ՝ Քոլեջի, Հյուսիսային դպրոցի մեծերն ու փոքրերը
Ընթացքը՝
Մեծով փոքրով , իրար շարունակելով ընթերցում, ձայնագրում, քննարկում ենք Թումանյանի հեքիաթները։ Նախակրթարաններում ընթերցում ենք՝ օգտագործելով հոգեբանական վարժանքներ, մեթոդներ։ Նաև ամենափոքրերի համար ընթերցում ենք Թումանյան քնից առաջ։ Քննարկում, վերլուծում ենք Թումանյանի հեքիաթները, պատմվածքները, կրտսեր դասարաններում վերլուծում, ծեփում, նկարում, խճանկարներ ենք պատրաստում հեքիաթների մոտիվներով։
Քոլեջ՝
Նախադպրոցական կրթություն երրորդ կուրս
Ուսանողները միմյանց հրավիրելով զրույցի ընթերցում են Թումանյանի քառյակները, նկարահանում շուրջտարյա նախագծի շրջանակներում՝ SPEAK UP
Քառյակների ընթերցում /նպատակը՝ ապագա դաստիարակների խոսքի ու խոսքի տեմպի, արտահայտման, հնչարտաբերության կառավարում/
Ուսանողները Կոնֆլիկտներ, սթրեսներ , փոփոխությունների առարկայի շրջանակներում դուրս են բերում Թումանյանի բանաստեղծություններում, պատմվածքներում, հեքիաթներում առկա կոնֆլիկտներն ու վերլուծում մասնագիտական դիտանկյունից։
Հյուսիսային դպրոցի սովորողների հետ աշխատանքում նախատեսում ենք հեքիաթի ընթերցում և պլաստիլինից, կավից պատկերների ծեփում /Պայմանավորված նրանով, թե ինչ խնդիր ենք լուծում/, խճանկարների ստեղծում, երաժտաթերապիա, դասարանական քննարկումներ։
Ամփոփումը տեսանյութով՝
Հյուսիսային դպրոցում ունեցել ենք հանդիպում երրորդ դասարանի սովորողների հետ , պայմանավորված դասարանական փոխհարաբերությունների կարգավորման հարցով։ Քննարկման գլխավոր թեման ընկերությունն է և բարությունը, աշխատանքի ընթացքը՝ թերապևտիկ թրեյնինգային։
Տեսանյութը՝
Հյուսիսային դպրոցում թումանյանական թեմայով խճանկարներ, ծեփում՝
Թումանյանը երաժշտաթերապիայում։ Երաժշտական նմանօրինակ աշխատանքներից երեքից մեկը կարողացանք ներկայացնել վիդեոնյութով:
Երգում, նվագում է Գոռ Ռոստոմյանը, Հյուսիսային դպրոց, 2.2 դասարան:
Նախագծի նպատակ՝ համակարգել ն/դ կրթության պետական չափորոշիչը, դարձնել առավել մատչելի, հեշտ կիրառելի գործիք
Խնդիրներ՝ Նախադպրոցական կրթության բաժնի երրորդկուրսի ուսանողների հետ քննարկել ն/դ կրթության պետական չափորոշիչը, դրանց հոգեբանական դրսևորումները, ուսումնասիրել յուրաաքանչյուր բաժինն ու աղյուսակի տեսքի բերել ։
Նպատակ ունենք այս փաստաթուղթը փոխանցելու դաստիարակներին՝ առավել արդյունավետ աշխատանքի համար։
Աշխատանքի ընթացքը՝ Ուսանողներից յուրաքնչյուրն իրեն թիմակից է ընտրում և օգտվելով Հղում 2-ից կազմում են նույն չափորոշչի առավել հարմար, կիրառման մեջ մատչելի փաթեթ։ Իսկ այս մատչելի փաթեթը կազմելու համար ուսանողները ծանոթանում են նաև Հղում 1-ին, որտղ Ձև 2-ը վերաբերվում է դաստիարակներին և իրենք ըստ չափորոշչի պետք է դիտարկեն ու լրացեն։
Աշխատանքի ամփոփում
Ուսանողների խմբերն իրենց առաջարկներն ու փոփոխված փաթեթներն ամբողջացրին մեկ նյութով /տե՛ս Հղում 3/, որից առավել հեշտ և արագ կարող են օգտվել։
Մասնակիցներ՝ Նախադպրոցական կրթության երրորդ կուրսի ուսանողներ
Ժամկետներ՝ շուրջտարյա
Ֆորմատը՝ ազատ զրույց, փոդքաստ, քննարկումներ
Նպատակ 1-ին` զարգացնել ուսանողների մասնագիտական խոսքը, զարգացնել կիրթ, լսելի խոսքի մշակույթը։
Նպատակ 2-րդ` քննարկմամբ բարձրաձայնել բազմաթիվ հետաքրքրաշարժ, մասնագիտական հարցեր, ուսումնասիրել, ինֆորմացվել։
Նախագիծն իրականացվում է ներառելով՝ Մանկան հոգեբանություն, Ընտանիքի և համայնքի համագործակցություն, Ներառական կրթություն առարկաները։ Քննարկումներին կներառվեն քոլեջի այլ մասնագիտություններն ընտրած ուսանողները ևս։
Աշխատանքի բնույթը՝ խմբային
Աշխատանքում մեր առջև դրված խնդիրներն են՝
Բարելավել ուսանողների բանավոր խոսքը
Նպաստել կրեատիվ թեմաների ընտրությանն ու ուսումնասիրությանը
իրականացնել գրագետ ուսումնասիրություն-հետազոտություններ էլեկտրոնային տիրույթում
Լինել առավել պարտաճանաչ, նախաձեռնող
Թողարկում 1
SPEAK UP-ի առաջին պիլոտային թողարկումը ներկայացնում են Մերի Քերոբյանը, Լիանա Գրիգորյանը, Արմանուշ Ղազարյանը Աշնանային 18-րդ հավաքի շրջանակներում։ Նյութը ներկայացված է Մերի Քերոբյանի բլոգում։
Վայրը՝ Արևմտյան դպրոց 2-4 տարեկաններ, Հյուսիսային դպրոց, Քոլեջ 5 տարեկաններ/
Առաջարկում ենք երեք խաղ տարբեր խմբերում իրականացման համար
Խաղ -2-4 տարեկանների համար
Գտիր ճիշտ հույզը-Հոկտեմբեր 17
Սաներին տալիս ենք սպիտակ թուղթ և նկարում իրենց թաթիկները թղթի վրա։ Ապա փորձում կրկնել մատների անունները։ Մինչ այդ դնում ենք սեղանին տարբեր , հիմնական հույզեր պարունակող նկարներ և առաջարկում օրինակ` ճկույթի վրա դնել ժպիտը, կամ տխուր դեմքը։ Մինչ այս խաղին անցնելը սաների հետ փորձում ենք ներկայացնել մեզ ուրախ, բարկացած, լացակումաց վիճակներում։ Նաև նախատեսում ենք ազգային մի քանի խաղ-շարժախաղ, որոնք կլիցքաթափեն սաներին։ Աշխատանքները խմբային են։
Անհրաժեշտ նյութեր-թուղթ, բժշկական փայտիկներ,թելեր, կոճակներ
Սովորողների հետ նախ քննարկում, միմյանց ներկայացնում ենք տարբեր հույզեր, դերային խաղեր ենք խաղում, ապա կատարում տեխնոլոգիական աշխատանք, պատրաստում տարբեր հույզեր և ցուցադրում ըստ նշանակության։ Խաղարկում ենք հույզերը տարբեր խաղերով։ Օրինակ՝ որևէ մեկը դեմքով հույզ է ցուցադրում,մյուսը պատրաստված թղթե օրիանկներից գտնում ճիշտ տարբերակը։
Նախադպրոցականների իմացական գործընթացները զարգացնող խաղերի հորինման ու խմբերում կիրառման փորձերն արդեն անում են Քոլեջի Նախադպրոցական կրթության բաժնի երկրորդ կուրսի ուսանողները։ Իրականում, այս վիդեոնյութերը մեզ հնարավորություն են տալիս կողքի աչքով դիտարկել մեր աշխատանքը, վրիպումները, սխալները գտնել ու շտկել։
Մնացեք ու հետևեք մեր հետագա աշխատանքներին, դրանցից հերթականն էլ ավելի կատարելագործված ու շտկված կլինեն։
3-րդ դասարանի ուսուցման խումբ 2020-2021 ուստարի Հասցե` Հայաստան, Երևան, Հարավարևմտյան զանգված, Ա. Բաբաջանյան 38/1 Հեռ` +374 (10) 74 21 72 Էլ. փոստ` dproc-partez@mskh.am
Հոգեբանի բլոգ 