Հոգեբանը բազմամասնագիտական թիմի անդամ է, ում աշխատանքը համագործակցային է: Հոգեբանը, ինչպես մյուս բազմամասնագիտական խմբի անդամները, սկսում է իր աշխատանքը դիտարկումից: Դիտարկման արդյունքներն անհրաժեշտ է գրանցել ու պահպանել:Այդ դիտարկման արդյունքները անհրաժեշտ են հետագայում համեմատականներ անցկացնելու և արդյունքների գրանցման համար:Եվ վերջապես ըստ դիտարկումների էլ հասկանալի է դառնում առկա խնդիրները:
Կրթական հաստատություններում հոգեբանը իրականացնում է.
Խմբային աշխատանք
Անհատական աշխատանք
Սովորողի զարգացման և նրա հետ տարվող հոգեշտկողական աշխատանների ոլորտում մեծ դեր են խաղում հոգեբանական ծառայությունները, որի շրջանակներում մասնագետը իրականացնում է խորհրդատվություն, շտկողական և զարգացնող աշխատանքներ, նաև անհատական և խմբային աշխատանքներ աուտիզմի, մտավոր զարգացման խնդիրների, հոգեկան զարգացման հապաղման, տագնապայնության, վախերի, ագրեսիվության, վարքային խնդիրների, ՄՈՒԿ-ի , հաղորդակցման դժվարությունների, դպրոցի հարմարման հետ կապված բարդությունների և հոգեբանական մի շարք այլ խնդիրների դեպքում: Դպրոցում աշխատող հոգեբանները հաճախ են կիրառում հեքիաթաթերապիան, ավազաթերապիան և արտթերապիան: