Մենք սիրում ենք ճամփորդել: Ահա մեր հերթական ճամփորդությունը կկայանա սեպտեմբերի 29-ին: Մենք մեծ սիրով պատրաստվում ենք նորի ու գեղեցիկի բացահայտմանը: <<Տիեզերք>> և <<Բարձունքի հաղթահարում>> նախագծերի շրջանակներում պետք է դիտումներ կատարենք և մեզ շրջապատող իրերի, բնության միջոցով հորիզոնի չորս կողմերը բացահայտելու մեր առաջին փորձը անենք:
Բնության մեջ մեզ հանդիպող առարկաները մեզ հնարավորություն են տալիս հեշտ կողմնորոշվել տեղանքում: Պարզապես պետք է սվորել, թե ինչպես:Ահա այսօրվա մեր բացահայտումների մասին՝
- Միայնակ ծառի հարավային կողմի ճյուղերն ավելի փարթամ են, քան հյուսիսային կողմինը:
- Ծառի կոճղի վրա ևս կարելի է որոշել հորիզոնի կողմերը. նրանց բների վրա երևացող տարեկան օղակները բնի հյուսիսային կողմում խիստ են լինում:
- Կամ մուռը և քարաքոսը աճում է ծառերի կեղևի ու քարերի հյուսիսային կողմերում: Չէ՞ որ դրանք խուսափում են արևի ճառագայթներից:
- Մրգերը ավելի շուտ և շատ հարավային կողմից են հասնում և գունավորվում:
- Եկեղեցիների խորանը կառուցված է լինում եկեղեցու արևելյան մասում, իսկ մուտքը՝ արևմտյան:
Բայց ամենահետաքրքիրը սլաքավոր ժամացույցի և արևի օգնությամբ հորիզոնի կողմերի բացահայտումն էր: Մենք այդ դիտում-փորձը կատարեցինք մեր ներքին բակում: Անհրաժեշտ է ժամացույցը պահել հորիզոնական դիրքով և պտտեցնել այնքան, մինչ ժամային սլաքն ուղղված լինի դեպի արևը, որից հետո պետք է տանել երևակայական գիծ ժամ-սլաքի/փոքր սլաքի/ և «1» թվի միջև: Այդ երկու կետերի ուղիղ մեջտեղում է գտնվում հարավային կողմը:
Հոգեբանի բլոգ 